Тропарь:
Я́коже Влады́ка Христо́с сла́ву Свою́ неизглаго́ланную сокры́, пло́тию оде́явся, та́коже и ты юро́дства вре́тищем покры́л еси́ свет Фаво́рский и́мже Тя Госпо́дь оси́я я́ко испове́дника и страда́льца, и па́стырь душ яви́лся еси́, о́тче преподо́бне Гаврии́ле, моли́ Христа́ Бо́га поми́ловати ду́ши на́ша.
Кондак:
Непости́жима есть ми́лость Бо́жия, Его́же благода́тию созда́ние обоже́но лицезре́ем вси, ты бо, преподо́бне о́тче, о́браз Творца́ в себе́ утверди́л еси́, возне́сши естество́ свое́ в подо́бие Бо́жие, те́мже сла́вим тя, о́тче Гаврии́ле, досто́йне похвалы́, я́ко был еси́ на земли́ гла́сом пра́вды и го́лубем чистоты́, жи́тельствовавши же в чу́дном смире́нии, звене́л еси́ ли́рою му́дрости и любви́ орга́ном, ны́не же на небесе́х предста́тельствуеши о спасе́нии на́шем, хода́таю Бо́жия благода́ти.
Молитва:
О́, блаже́нне Гаврии́ле, древним отцем подо́бниче и тве́рдый веры испове́дниче, от младенства Госпо́да всем сердцем возлюбивый и ре́вностно Ему после́довавый! Мы же, яко раби́ недостойнии, благочестия и смире́ния не имущии, обаче себе́ на всяк день в души́ велича́ющии, ближних осуждающии, не и́мамы пред Бо́гом, чим оправдатися! Сего ради молим тя: моли́ за нас Господа, да пода́ст нам ум, сло́во Его разуме́ти, да бу́дем не то́кмо слы́шателие, но и ревностнии его творцы и да разуме́ем, я́ко ничесо́же мо́жем, кроме́ по́мощи Бо́жия.
1 view
12
4
1 month ago 00:18:12 1
Православный календарь, Четверг 23 мая 2024. Апостола Симона Зилота (I)
1 month ago 00:42:57 1
Апостол, Евангелие и Святые дня. Преполовение Пятидесятницы. ()
1 month ago 00:21:23 1
Утреннее правило утренние молитвы
1 month ago 00:38:55 1
Апостол, Евангелие и Святые дня. Неделя 4-я по Пасхе, о расслабленном. ()
1 month ago 00:38:32 1
Апостол, Евангелие и Святые дня. Сщмч. Ермоге́на, патриарха Московского и всея России. ()
1 month ago 00:37:46 1
Деяния Святых Апостолов. Глава 5 “Лукавство и смерть Анании и Сапфиры“ Священник Валерий Духанин
1 month ago 00:33:15 1
Апостол, Евангелие и Святые дня. Седмица 4-я по Пасхе. ()