ОЛЁШ - Велесэ

“От людей на деревне не спрятаться“ моронть коряс. (к/ф “Дело было в Пенькове“) 1. Велесэ киньгак эйстэ а кекшеват, Весе содыть, кода тон эрят. Ков якат, мезде арсят ды мелявтат, Мезе кортыть тонть эйстэ шабрат. 2. Чокшнэ лисят ушов -- кода чопода, Менельсэнть валдо тешттне ды ков... Кудо икеле аштят тон озадо, Мезе ёвтат -- маряви васов. 3. Эрямось велесэ - сельме икеле, Мезеяк салава а теят... Ялатеке пек парт минек ломантне, Берянь валт зярдояк а марят. 4. Тесэ шумбрасто весе эрятано, Лия масторт вешнемс а мезекс. Минек кенкшенек весенень панжадот, Ули меленк -- совадо инжекс.. (Эрзякс теизе Вера Алексеева)