Православный календарь; Понедельник 28 октября 2024 / 15 октября 2024

Седмица 19-я по Пятидесятнице. Глас первый. Прп. Евфимия Нового, Солунского (889). Прмч. Лукиана, пресвитера Антиохийского (312). Сщмч. Симеона пресвитера (1918). Сщмч. Валериана Новитского, пресвитера Телядовического (1930). Сщмч. Димитрия пресвитера (1942). Св. Афанасия исп., еп. Ковровского (1962). Собор 23-х новомученников белорусских: архим. Серафима (Шахмут), прот. Александра Шалая, прот. Владимира Зубковича, прот. Владимира Измайлова, прот. Владимира Пастернацкого, прот. Владимира Хираско, прот. Димитрия Павского, прот. Иоанна Воронца, прот. Леонида Бирюковича, прот. Матфея Крицука, прот. Михаила Новицкого, прот. Михаила Плышевского, прот. Порфирия Рубановича, прот. Сергия Родаковского, свящ. Валериана Новицкого, свящ. Владимира Талюша, свящ. Владимира Хрищановича, свящ. Димитрия Плышевского, свящ. Иоанна Вечерко, свящ. Иоанна Панкратовича, свящ. Николая Мацкевича, свящ. Петра Грудинского и диакона Николая Васюковича. Свт. Иоанна, еп. Суздальского (1373). Сщмч. Лукиана Печерского, в Дальних пещерах (1243). Мчч. Сарвила и Вивеи, сестры его (II). Свт. Савина, еп. Катанского (760). Иконы Божией Матери “Спорительница хлебов“ (XIX). Свт. Дионисия, архиеп. Суздальского. Св. исп. Варсиса еп. Едесского (378). Св. Теклы игумении Очесенфуртской (790) (Герм.). Св. Аурелии Страсбургской (383) (Галл.). Чтения дня Филиппийцам 1:1-7 Луки 9:18-22 Тропари Прп. Евфимия Нового. Тропарь, глас 8. В тебе́, о́тче, изве́стно спасе́ся, е́же по о́бразу:/ прии́м бо крест, после́довал еси́ Христу́,/ и, де́йствуя, учил еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней;/ те́мже и со Áнгелы сра́дуется, преподо́бне Евфи́мие, дух твой. Прп. Евфимия Нового. Кондак, глас 2. Волне́ний мно́жества невла́жно преходя́,/ безпло́тныя враги́ струя́ми слез твои́х/ кре́пко погрузи́л еси́,/ Богому́дре Евфи́мие преподо́бне:/ и, чуде́с дар прие́м,/ исцеля́еши стра́сти вся́кия,/ моли́ непреста́нно о всех нас. Прмч. Лукиана, пресвитера Антиохийского. Тропарь, глас 4. Воздержа́нием по́стничества и муче́ния кро́вию/ ты, стяжа́в вене́ц неувяда́емый, священному́чениче Лукиа́не,/ Антиохи́йская похвало́,/ о нас моли́ Христа́ Бо́га,/ творя́щих святу́ю па́мять твою́. Кондак прмч. Лукиана, пресвитера Антиохийского, глас 2. В поще́нии пе́рвее просия́вшаго,/ и во страда́нии второ́е светя́ща,/ вси, я́ко свети́ло пресветле́йшее,/ Лукиа́на пе́сньми сла́вно почти́м,/ моля́щаго непреста́нно о всех нас. Ин кондак прмч. Лукиана, глас 4. Я́ко святи́тель благоче́стно пожи́в/ и священномуче́ния вене́ц прия́т,/ и́дольския же́ртвы погаси́л еси́,/ до́брый па́стырь Христо́ву ста́ду бысть, прему́дре Лукиа́не./ Сего́ ра́ди тя почита́ем, пе́сньми вопию́ще:/ от бед изба́ви нас при́сно моли́твами свои́ми. Свт. Иоанна, еп. Суздальского. Тропарь, глас 8. Правосла́вия наста́вниче,/ благоче́стия учи́телю и чистоты́,/ Су́ждалю пресве́тлый свети́льниче,/ святи́телем Богодухнове́нное удобре́ние, Иоа́нне прему́дре,/ уче́нием твои́м па́ству твою́ просвети́л еси́;/ святи́телю блаже́нне, моли́ Христа́ Бо́га спасти́ся душа́м на́шим. Ин. топарь, глас 8. Управля́я Це́рковь Бо́жию Собо́рную и Апо́стольскую,/ соблюда́я за́поведи Бо́жия,/ вельми́ до́бре упа́с ста́до слове́сных ове́ц;/ зломы́сленным церко́вником моли́твою свое́ю прозре́ти повеле́,/ и научи́, я́коже пре́жде святы́й Лео́нтий,/ поспе́шник спасе́нию Ру́сския земли́, учи́тель Росто́вский,/ пре́жде связа́ и па́ки благослови́;/ та́ко святы́й епи́скоп Су́ждальский,/ напа́стем, притека́ющим к тебе́, изба́вниче, чудотво́рче Иоа́нне,/ моли́ Христа́ Бо́га спасти́ся душа́м на́шим. Ин кондак, глас 8. Незаходи́мое со́лнце возсия́ днесь/ пресла́вная па́мять твоя́, святи́телю Христо́в Иоа́нне,/ созыва́юще нас к похвале́нию Христа́ Бо́га на́шего./ Те́мже, притека́юще к тебе́, исцеле́ния да́ры прие́млем/ моли́твами твои́ми. Кондак, глас 8. Богому́дрым уче́нием и святы́м житие́м,/ я́ко свети́льник, сия́л еси́ в Це́ркви Бо́жией;/ те́мже Боже́ственнаго заступле́ния сподо́бился еси́,/ внегда́ осле́пнути очесе́м злоумы́шленных клеветнико́в твои́х,/ и́хже прозре́ти сотвори́в моли́твою твое́ю,/ вспять возврати́лся еси́ во град твой,/ и до́бре упасл еси́ ста́до слове́сных ове́ц;/ и́хже ча́дом помога́й и нам, моли́твами твои́ми,/ святи́телю Христо́в Иоа́нне. Сщмч. Лукиана Печерского. Тропарь, глас 4. И нра́вом прича́стник, и престо́лом наме́стник апо́столом быв,/ дея́ние обре́л еси́, Богодухнове́нне, в виде́ния восхо́д./ Сего́ ра́ди, Сло́во И́стины исправля́я,/и ве́ры ра́ди пострада́л еси́ да́же до кро́ве,/ священному́чениче Лукиа́не,/ моли́ Христа́ Бо́га спасти́ся душа́м на́шим. Кондак, глас 4. Во свяще́нстве и и́ночестве благоче́стно пожи́в/ и муче́ния путь проше́д,/ мучи́теля и бесо́вская по́лчища посрами́л еси́/, те́мже, почита́юще тя, та́ко вопие́м ти:/ от бед изба́ви ны при́сно твои́ми мо́льбами, о́тче наш Лукиа́не.