Марий Эл Увер

Выпускын тӱҥ темыже-влак: — «Лира» йоча сымыктыш школ пеленысе «Узоры» йоча ансамбль «Алтын Майдан – Алания» инклюзив калыкле фестивальыште 1-ше степенян лауреат лӱмым сулен налын. — Татарстан Республик Кукмара районысо Уял кыдалаш школышто марий фольклор коллектив-влакын «Марий сем» регион-влак кокласе нылымше фестиваль-конкурсышт эртен. Тушко Татарстан ден Марий Эл гыч кудло утла йодмаш пурен. — Шкетан лӱмеш Марий кугыжаныш драме театрын сценыштыже морко артист-влак шке мастарлыкыштым ончыктеныт. Морко калык театр «Карпуш Йыван ӱдырым марлан налеш» спектакль дене куандарен. 2024-шe ий, 16-шо кылме