Канал “Культура“ Беларускага радыё. Аляксей Стрэльнікаў - Сучасны тэатр. 04. Канстанцін Сцешык

Працягваем даследаваць новае пакаленне драматургаў. Сёння размова пойдзе пра Канстанціна Сцешыка. Адна з тэм яго даследавання - нармальнасць. Часам яна становіцца невыноснай для герояў, і толькі наяўнасць смерці надае сэнс жыццю. Часам межы нармальнасці празрыстыя з паранамальным светам. Дзякуючы падыходу Канстанціна Сцешыка да п’есы, рэжысёры вымушаны адкрывацца сучасным павевам. Так, у Гомельскім маладзёжным тэатры паставілі п’есу “Ляцелі арэлі“, якую немагчыма ўспрымаць без ведання творчасці Ягора Летава. Рэгіянальныя тэатры рэдка звяртаюцца да сучаснай драматургіі, бо іх рэдка падтрымліваюць акцёры і публіка. Спектакль прапануе дыскусію на тэму падлеткавага самагубства. Ці не прапаганда гэта? #КаналКультура #КультурныяСкрыжаванні