Православный календарь 6 февраля 2024. День памяти Блаженной Ксении Петербургской

Седмица 36-я по Пятидесятнице. Глас вторый. Прп. Ксении Римляныни (V). Блж. Ксении Петербургской (XIX). Мч. Николая (1918). Свт. Герасима Великопермского (Устьвымского) (1441). Мч. Иоанна Казанского (1529). Мчч. Вавилы Сицилийского и учеников его Тимофея и Агапия (III). Прп. Македония, сирийского пустынника (ок. 420). Перенесение мощей прмч. Анастасия Персидского (VII). Прп. Дионисия Олимпийского и Платинского, и Афонского (Греч.). Свт. Фелициана, еп. Фолиньянского, Италийского. Св. Лупицина из Липидиако (Галл.). Св. Неофита, затворника Кипрского (Греч.). Мчч. Гермогена и Мамы (Греч.). Мчч. Павла, Павсирия и Феодотиона (284-305). Св. Филона, еп. Колпастийского (V). Сщмч. Филиппика пресвитера и мц. Варсимы с двумя братьями. Прп. Зосимы, монаха Синайского. Чтения дня Матфея 11:27-30 (на утрене) Ефесянам 2:19-3:7 Марка 11:11-23 7 Галатам 5:22-6:2 (блаженной) Луки 6:17-23 (блаженной) Тропари Прп. Ксении Римляныни. Тропарь, глас 8. В тебе́, ма́ти, изве́стно спасе́ся, е́же по о́бразу:/ прии́мши бо крест, после́довала еси́ Христу́/ и, де́ющи, учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней./ Те́мже и со Áнгелы сра́дуется, преподо́бная Ксе́ние, дух твой. Кондак, глас 2. Твою́ страннонра́вную, Ксе́ние, па́мять соверша́юще,/ любо́вию почита́ющий тя, пое́м Христа́,/ во всех тебе́ подаю́щаго кре́пость исцеле́ний,/ Ему́же всегда́ моли́ся о всех нас. Ин кондак, глас 4. И́же во святы́х свята́я/ Христа́ Преблага́го всем се́рдцем возлюби́ла еси́, Богому́драя Ксе́ние сла́вная,/ того́ ра́ди омерзи́ла еси́ мирску́ю сла́дость./ Крест же Его́ взе́мши честны́й,/ возлюби́ пе́ти при́сно: аллилу́йя. Блж. Ксении Петерсбургской. Тропарь, глас 7. Нищету́ Христо́ву возлюби́вши,/ безсме́ртныя трапе́зы ны́не наслажда́ешися,/ безу́мием мни́мым безу́мие ми́ра обличи́вши,/ смире́нием кре́стным си́лу Бо́жию восприя́ла еси́,/ сего́ ра́ди дар чудоде́йственныя по́мощи стяжа́вшая,/ Ксе́ние блаже́нная, моли́ Христа́ Бо́га/ изба́витися нам от вся́каго зла покая́нием. Кондак, глас 3. Днесь све́тло лику́ет град свята́го Петра́,/ я́ко мно́жество скорбя́щих обрета́ют утеше́ние,/ на твоя́ моли́твы наде́ющеся,/ Ксе́ние всеблаже́нная,/ ты бо еси́ гра́ду сему́ похвала́ и утвержде́ние. Свт. Герасима Великопермского (Устьвымского). Тропарь, глас 3. Боже́ственныя ве́ры пропове́данием/ зе́млю Зыря́нскую озари́л еси́/ и ко Христу́ лю́ди мно́гия приве́л еси́./ Возопие́т же с тобо́ю и Áвель ко Го́споду/ и Заха́риина кровь пра́ведная,/ о́тче Гера́симе, моли́ Христа́ Бо́га/ па́стве твое́й и всем, любо́вию па́мять твою́ соверша́ющим,/ дарова́ти ве́лию ми́лость. Кондак, глас 8. Я́ко свяще́нника превели́ка/ и апо́столов и му́чеников совсе́льника,/ Це́рковь Ру́сская почита́ет тя, святи́телю Гера́симе./ Сию́ твои́ми моли́твами соблюда́й, блаже́нне,/ непобеди́му, и необурева́ему, и нескве́рну,/ и всем нам испроси́ у Бо́га мир и ве́лию ми́лость. Тропарь Иоанна Казанскаго, глас 2. Страстоте́рпче святы́й Иоа́нне,/ блаже́нна земля́, напи́вшаяся кро́ве твое́я,/ Христа́ бо со дерзнове́нием пропове́дав,/ мно́гия му́ки от неве́рных ага́рян прия́л еси́,/ страда́ньми свои́ми проти́вных де́рзости низложи́в,/ Тро́ицы побо́рник яви́лся еси́,/ Ю́же и моли́ дарова́ти нам ве́лию ми́лость. Кондак, глас 2: Звезда́ све́тла среди́ неве́рных яви́лся еси́,/ многострада́льне Иоа́нне,/ заря́ми твои́ми Со́лнце — Христа́ возвеща́ющи,/ пре́лесть ага́рянскую посрами́л еси́/ и нам подае́ши свет,/ моля́ непреста́нно Христа́ Бо́га о всех нас.