Հայաստանը չունի մարտավարական ընկալում. ինչպես կարելի է համակցել ՀՀ–ի և ՌԴ–ի շահերը

Թեպետ Մինսկի խումբը չկա, սակայն երեք հասցեներով հանդիպումները` Վաշինգտոն, Բրյուսել, ապա Մոսկվա, նույն տրամաբանության մեջ շարունակվում են։ Այս «Բերմունդյան եռանկյունու» մեջ կան խաղացողներ, որոնք իրենց լավ են զգում (հատկապես Ադրբեջանը), և կա խաղացող (հայկական կողմը), որը խորտակվում է, որովհետև զիջման, հանձնման և ազգային շահից հեռացման ուղիով է գնում։ «Աբովյան Time»–ի եթերում այս տեսակետը հայտնեց քաղաքագետ Վլադիմիր Մարտիրոսյանը։ Նա կարծում է, որ այս իրավիճակում Հայաստանը չունի մարտավարական ընկալում, թե ինչպես կարելի է համակցել հայկական պետության և ռազմավարական դաշնակցի շահերը։ Հարցազրույցի ընթացքում Մարտիրոսյանը խոսել է նաև երկրում ընդդիմության քաղաքականացված չլինելու, քաղաքականության վերաբերյալ հասարակական ընկալումների, իշխանության և ընդդիմադիր ուժերի վարկանիշի, խորհրդարանական կառավարումը միապետական ընկալելու և այլ հարցերի մասին։