Аналитика (Россия 24) //

Апрелы мæйы 12 – æм бон æнæхъæн Уæрæсейы нымад у космонавтты боныл. Фыццаг хатт æй, куыд бæрæгбон,афтæ официалонæй сбæрæг кодтой 1962- æм азы Советон Цæдисы Уæлдæр Президиумы уынаффæмæ гæсгæ. Уынаффæ та райстæуыд Советон Цæдисы тæхæг-космонавт Герман Титовы фæндонмæ гæсгæ. Куыд зонæм,афтæмæй ацы бон баст у фыццаг космонавт Юрий Гагарины номимæ. Уый 1961 азы 12-æм апрелы историйы фыццаг хатт стахт космосмикон тыгъдадмæ нау « Восток»-ыл æмæ æрзылд Зæххы къорийы алыварс. Гагарин байгом кодта фæндаг космосмæ æмæ уый уыдис тынг ахсджиаг хъуыддаг. Уымæ гæсгæ йæ ном цæрæнбонтæм баззайдзæн историйы. Незамантæй фæстæмæ адæймаджы, арвмæ, стъалытæм кæсгæйæ, дисы æфтыдта космикон тыгъдад, дунейы сконд: мæй æмæ стъалытæ куыд æмæ цæмæй конд сты? Цæмæн раивы æхсæв бонæй? Цы дæтты хуры хъарм? Фæзындис, ацы æмæ æндæр æнгæс фарстатæ чи иртасы,ахæм зонад дæр – астрономи. ---------- Сайт ГТРК “Алания“ - ГТРК “Алания“ ВКонтакте - ГТРК “Алания“ Facebook -