“Коми кыв дорӧ муслунӧн “ шылада гажлӧн ӧні эм аслас гимн! Кывъясыс да шыладыс Скӧрӧдумысь А.Е.Уляшевлӧн.

. КОМИ КЫВ ДІНӦ МУСЛУНӦН ( Гимн). Шыладыс и кывъясыс А.Уляшевлӧн 1.Бара на ми талун сьылам Мыла коми сьыланкыв. Век тай гортын олам-вылам, Нимӧдам ас чужан кыв. Припев: Коми кыв дінӧ муслун Медым некор оз куслы, Медым некор оз ваймы, Медым некор оз быр. Коми кыв дінӧ муслун Медым некор оз куслы, Медым нэмъяс чӧж олас Миян сьӧлӧмын пыр. 2. Сьылӧ Кекур, сьылӧ Пожӧг, Вомынбӧж да Пожӧгдін. Сьылан лэбӧ уна вожӧн, Гажас сюртчӧ Помӧсдін. Припев. 3. Тані ӧзйис уна енби, Медся ёныс Шахов орд… Гижан сямным оз на энды, Сьыланкывным оз на ор. Припев. Коми кыв дінӧ муслун Медым некор оз куслы, Медым некор оз ваймы, Медым некор оз быр. Коми кыв дінӧ муслун Медым некор оз куслы, Медым нэмъяс чӧж олас Миян сьӧлӧмын пыр. Коми кыв… Чужан кыв…Муса кыв…