Қажы Мұхаммед Шадком: «Иран қазақтарына ана тілін үйрену қиын»

Абай шығармаларын парсы тіліне аударған, Иранда тұратын этникалық қазақ Қажы Мұхаммед Шадком Азаттыққа сұхбатында жергілікті қазақтардың мәдениеті жайында айтты. Қажы Мұхаммед Шадком Иранның Горган қаласында тұрады. Ол отыз жыл құқық қорғаушы болып қызмет істеген. Алайда өз бастамасымен қазақ тілінің түсіндірме сөздігін және Абайдың толық шығармаларын парсы тіліне аударған. Алматыға келген сапарында Азаттыққа сұхбат беріп, Иран қазақтарының тарихы, өмірі және мәдениеті жайлы баяндады.