СӘГЫЙРОВ УКУЛАРЫ

Ульяновск өлкәсенең Димитровград шәһәрендә төбәкара “Сәгыйров укулары” узды. Шәһәрнең Габдулла Тукай исемендәге татар мәктәбендә узган әлеге чарада Татарстан, Чувашстан, Мордовия республикаларыннан, Саратов, Самара өлкәләреннән 200 дән артык малай һәм кыз катнашты. Әлеге чара кысаларында байтак китаплар авторы, Татарстан язучылар берлеге әгъзасы, рәссам, халыкара Филантроп премиясе лауреаты Гакыйль Сәгыйров соңгы елларын яшәгән йортта аның хөрмәтенә истәлек тактасы да ачылды. Оештыручылар белдергәнчә, бу чараларның төп максаты-әлеге легендар шәхеснең исемен мәңгеләштерү һәм аның иҗатын халыкка таныту. Теманы Рамис Сафин дәвам итә.