Ալեն Սիմոնյանը պատգամավորներին կոչ արեց ազատել հեռուստագովազդի ոլորտը Միքայել Մինասյանի մենաշնորհից

ՀՀ ազգային ժողովն առաջին ընթերցմամբ ընդունեց «Հեռուստատեսության և ռադիոյի մասին» Հայաստանի Հանրապետության օրենքում փոփոխություն և լրացումներ կատարելու մասին օրենքի նախագիծը, որով առաջարկվում է գովազդ հեռարձակելու հնարավորություն տալ Հանրային հեռուստաընկերությանը: ԱԺ փոխնախագահ Ալեն Սիմոնյանը նկատել է, որ այս օրինագծով հավասար պայմանները վերականգնվում են։ Հղում անելով ԶԼՄ-ների հրապարակումների՝ Սիմոնյանը նշել է, որ ՀՀ նախկին նախագահ Սերժ Սարգսյանի փեսան՝ Միքայել Մինասյանը, դարձել է յուրօրինակ «մեդիաարքա»։ Իրեն պատկանող ընկերություններից մեկը գնահատում է գովազդի արժեքը, մյուսը՝ վաճառում գովազդային ժամանակը։