Марий Эл ТВ: Глава Марий Эл посетил социальные объекты в Куженерском районе

Кужэҥер районысо 12 еш да тулыкеш кодшо 11 икшыве пӧртсийым палемда. Нунылан у пачер деч сравочым регион вуйлатыше кучыктен. Лишыл кечылаште нине еш-влак аварийнылан шотлалтше, тоштемше илымверыштым коден каят да у пӧртыш куснат. Пиалан еҥ-влакым Юрий Зайцев уло кумылын саламлен. Регион вуйлатыше ты кундемыш пашаж дене миен коштын. Пытартыш жапыште тӱзатыме икмыняр объектлаште лийын.