Repatriation and Integration Center

ARM] 🔻Արդեն երկու ամիս է, ինչ գործում է Հայրենադարձության և ինտեգրման առաջին կենտրոնը՝ նպատակ ունենալով խթանել հայրենադարձությունը, աջակցել հայրենադարձների արդյունավետ ինտեգրման գործընթացին և ակտիվ ներգրավմանը Հայաստանի սոցիալ-տնտեսական, հասարակական-քաղաքական և մշակութային կյանքին: Այս տարի հուլիսին կայացած պաշտոնական բացումից ի վեր՝ կենտրոնն ընդունել է ավելի քան 300 հայրենադարձի, ստացվել է 700 էլ․ նամակ և 150 զանգ 20 երկրից, առավելապես՝ Ռուսաստանից։ Հարցերը, մասնավորապես, վերաբերել են ՀՀ քաղաքացիության ստացմանը, անձնական գույքի Հայաստան տեղափոխմանը, կրթությանը և աշխատանքի տեղավորմանը։ Կենտրոնը, լինելով իր տեսակով առաջինը ՀՀ-ում և ծառայելով որպես հայրենադարձների համար միասնական ռեսուրս-կենտրոն, իրականացնում է հայերեն լեզվի անվճար դասընթացներ, ոլորտային սեմինարներ, մասնագիտական կողմնորոշման հանդիպումներ և այլ բնույթի նախաձեռնություններ։ Առաջիկայում կենտրոնը հանդես կգա նոր նախաձեռնություններով, որոնց մասին առավել մանրամասն կպատմենք մեր հաջորդ հրապարակումներում։ Իսկ մինչև այդ առաջարկում ենք մեր կողմից պատրաստված տեսանյութի միջոցով ծանոթանալ կենտրոնի ստեղծման պատմությանն ու դիտել բացման արարողությունից հատվածներ։ Հիշեցնենք, որ կենտրոնը ստեղծվել է ՀՀ սփյուռքի գործերի գլխավոր հանձնակատարի գրասենյակի կողմից՝ Հ.Հովնանյան ընտանեկան հիմնադրամի հետ համագործակցությամբ։ 📍Հասցե՝ ք․ Երևան, Հանրապետության 37 (մուտքը՝ Մելիք-Ադամյ