Наука доктора, профессор Мария Прокопьева💼📝🎓💐

Амма Абаҕатыттан төрүттээх наука доктора, профессор Мария Михайловна Прокопьева талааннаах артыыс, норуот ырыаһыта, Ийэ олоҥхоһут, оһуокайдьыт, сэбиэскэй-партийнай үлэһит Устин Нохсоороп хаан-уруу аймаҕа буолар. Мария Михайловна Нохсоороптор педагогическай династияларын биир бастыҥ бэрэстэбиитэллэрэ буолар. Кини 500-тэн тахса научнай үлэ, 11 монография, 60-тан тахса учебник уонна үөрэх пособиеларын ааптара. Барыта 18 Грант кыайыылааҕа. Сүрүн үлэтин таһынан общественнай үлэнэн күүскэ дьарыктанар. 2008 сылтан “Российская семья“ Бүтүн Арассыыйатааҕы национальнай общественнай кэмитиэт Саха сиринээҕи салаатын салайааччытынан, билигин бочуоттаах бэрэссэдээтэлинэн үлэлиир. Улахан эксперт быһыытынан дьиэ кэргэн бэлиитикэтигэр сыһыаннаах дойду сүрүн сокуоннарын ылыныыга үгүс үтүөлээх. Ийэ хапытаала, элбэх оҕолоох дьиэ кэргэҥҥэ саҥа чэпчэтиилэр, онтон да атын сокуоннар олоххо киириилэригэр сүбэтэ-амата улахан. Бастыҥ научнай редактор, наставник, рецензент. “Семейное тьютерство“ үөрэх бырагырааматын ааптара. Мария Михайловна айылҕаттан талба талааннаах иистэнньэҥ, дизайнер. Бэйэтэ “Айар Хотун“ диэн модельнай студиялаах. “Олоҥхо оһуора“ диэн оҕуруонан быысапкалара киһини сөхтөрөллөр, барыта 60-тан тахса хартыыналардаах. Быйыл М.М. Прокопьева үбүлүөйдээх бэлиэ сылыгар РФ үөрэх уонна наука министиэристибэтэ, М.К. Аммосов аатынан ХИФУ Пединститута “Российская семья“ Бүтүн Арассыыйатааҕы национальнай общественнай кэмитиэти кытта бииргэ “Дьиэ кэргэн педагогиката уонна психологията“ диэн Бүтүн Арассыыйатааҕы научнай-практическай кэмпириэнсийэни үрдүк таһымҥа тэрийэн ыыттылар. Онон бүгүн Сахабыт сирэ, Аммабыт биир киэн туттар дьонуттан биирдэстэрэ, улахан учуонай, общественнай деятель Мария Михайловна Прокопьева-Нохсорова туһунан биэриибитин көрөргүтүгэр ыҥырабыт. Вера ИВАНОВА #yakutia #амга #амма #нвксаха #сахасирэ #якутия #доктор #наука #профессор #свфу #университеты #педагогироссии #педагог #абага #намскийулус #российскаясемья #семья #дефиле