2023 она Хальмг Геноцид Дурсхл Өдрин Үг Келлһн

Күндтә Хальмг нәәҗнр! Мана цуугт Хальмг-Япон иньгллтин нерәр энҗл бас нег Бар Сарин хөрн нәәмнд, Хальмг Геноцид Дурсхл Өдрләтн таднд менд күргҗәнәв! Найн җил хооран «Операц Улусы» гидг Хальмг Улсин Геноцид болсмн. Иим деерәс, ода Хальмг Таңһчд төрскн келн медшшго. Энҗл бас нег мини төрскн Тода балһснас таднла күүндхәр бәәнәв. Энҗл би баhар зуульчллав. Япон орн-нутгас талдан Латвий болн Ниицәтә Хаана Нутгд (Ик Британд) йовад ирләв. Иигвчн, даң хальмг келән улм сәәхрүлхәр сандг биләв. Латвийд Янка Купала нертә цаһанорс (беларусын) сурһульд ирүв. Тенд цаһанорс (беларусын) шүлгч Янка Купала бичсн «А Хто там ідзе?» гидг шүлгин «Кен тенд йовна?» гидг хальмг келнә орчулвриг умшлав. Лондона Ик Брит Дегтрин Саңд хальмг келнә көлгн бичг хәәләв, [Очра Уташ, Улаҗин Гагня хәләв], тер көлгн бичгән зургт цокч авлав. Шидрхн мини бәәдл җирhлд ик-чинртә йовдл болв. Эн сарла би түрүн болҗ хальмг келәр давулсн кичәләр сүлҗәнд (Зумд) дасҗ авув. Урднь би үүрмүдәсн болн толяс хальмг кел дасдг биләв. Ода би нидн җил келсән давтхар бәәнәв. Хальмг Таңһчд хальмг келнә күчн җил ирвәс чаңһрад йовна, мини хальмг келнә тегшлүр бас җил ирвәс чаңһрад йовна. Дарук җилд бидн иигҗ оньдин Хальмгар күүндий! Хальмг келн даңгин уралан! Эн күцәҗәх керг-үүл өлзәтә, цаhан хаалhта болтха! Хальмг Таңһч менд болтха! Оньган өгсндтн ханлт өргҗәнәв.