Гела Гуралиа. / Пришла весна, расцвёл миндаль. Москва. .

გაზაფხულდა, აყვავილდა ნუში, იღიმება ლურჯთვალება ია სითბო ისე შემოიჭრა გულში, თითქოს გულის კარი დამრჩა ღია. ვარდობისთვეს როგორ გავძლო მარტო, ყვავილების ფიფქი ცვივა ციდან. ყვავილების სურნელება მათრობს და ბავშვივით მოფერება მინდა. მოდი ჩემთან, მოდი, სანამ დროა. ღამე დადნა, დილა თვალებს ახელს. მოდი, თორემ სხვა შენს ნაცვლად მოვა, გამიქარვებს სევდასა და ნაღველს. გავლენ წლები დაზამთრდება გულში, წავა რასაც სიჭაბუკე ქვია, და რაც ასე ადრე იყო გუშინ, ხვალ იქნება უსასრულოდ გვიან... ჩქარა, თორემ იასამნის სურნელს დრო გაატანს გაზაფხულის ნიავს, სიჭაბუკე სიზმარივით წავა... და იქნება ყველაფერი გვიან.