Чăваш Ен Донбасса пулăшу кӳрет

Донбассра пурăнакансене Раççейре, вăл шутра Чăваш Енре те, тахçанах тăван халăх евĕрех йышăнаççĕ. Çавăнпа та йывăр вăхăтра вĕсене яланах пулăшу кӳме тăрăшаççĕ. Авăн уйăхĕн 30- мĕшĕнче Чăваш Республики Донбасс тăрăхне черетлĕ гуманитари пулăшăвне ăсатрĕ. Шупашкарти Хĕрлĕ тӳремре вара Раççейпе Донбасс, Херсон тата Запорожье облаçĕсенчи халăхсен пĕрлĕхĕшĕн иртнĕ референдума ырлакансем, Раççей салтакĕсене хавхалантаракансем митинг-концерта пухăнчĕç.