Божественная литургия. .

Божественная литургия. . Седмица 14-я по Пятидесятнице. Преподобного Симеона Столпника, и матери его Марфы Каппадокийской Тропарь Терпения столп был еси, ревновавый праотцем, преподобне: Иову во страстех, Иосифу во искушениих, и безплотных жительству, сый в телеси, Симеоне отче наш, моли Христа Бога, спастися душам нашим. Кондак Вышних ищяй, вышним* совокупляяйся, и колесницу огненную столп соделавый: тем собеседник Ангелом был еси, преподобне, с ними Христу Богу моляся непрестанно о всех нас. Молитва О, святый и великий угодниче Божий Симеоне! Подвигом добрым подвизався на земли, восприял еси на небесех венец правды, егоже уготовал есть Господь всем любящим Его. Темже, взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и присно и во веки веков. Аминь. #ХрамДонское #Донская_литургия