Жалал - Абадда окуучу экинчи мультфильмин жарыкка чыгарды

Калаадагы №9 мектептин 11-классынын окуучусу Акылбек Бекмолдо уулу буга чейин «Акылдуу бала жана карыя» деген аталыштагы мультфильмин жараткан. Мектеп окуучусу балдар үчүн тасмасын кыргыз эл жомоктору боюнча тарткан. Акылбек Бекмолдо уулунун экинчи эмгеги “Алтын кумура“ деп аталган. Бул мультфильмдин мазмуну да кыргыз эл жомогунан турат. Мектеп курагында мындай ийгилик жаратуу Акылбектин балачактан бери келген кыялы эле.