СВЯТЫЕ МУЧЕНИКИ ИННА, ПИННА И РИММА.

Тропарь, глас 2: Я́коже Первозва́ннаго учени́цы первозва́ни яви́стеся от слове́н, и бра́тию ва́шу све́том И́стины просвеща́юще, от безбо́жнаго свире́паго кня́зя лю́тую кончи́ну прия́ли есте́, мра́зом окова́нни и ле́дом уда́вленни, на Дуна́е реце́ в Ски́фстей стране́. Но я́ко ду́ши за дру́ги поло́жшии, святи́и И́нно, Пи́нно и Ри́ммо, и о нас всемо́щныя моли́твы приноси́те, вся язы́ки слове́нския па́ки ко Христу́ обраща́юще. Кондак, глас 2: Ве́лия ве́ры исправле́ния: льдом окова́нни, я́ко на воде́ упокое́ния, святи́и И́нна, Пи́нна и Ри́мма ра́довахуся, мучи́тель же несмы́сленно яря́шеся, плоды́ их виногра́да тща́ся погуби́ти, но оба́че доны́не от слове́нских язы́к святы́я гро́здия Христо́с прие́млет, и первому́ченик слове́нских венча́ет венцы́. Сего́ ра́ди и мы, взра́щенных ва́ми ве́рных отроча́та, благодари́м и мо́лим вы, святи́и: испроси́те те́плыми моли́твами и нам в Ду́се и́стины по Бо́зе ревнова́ти.