Պետական այրերը հարգանքի տուրք են մատուցել Մայիսյան հերոսամարտերի հայորդիների հիշատակին

Հայաստանի և Արցախի Հանրապետությունների բարձրագույն քաղաքական ղեկավարությունը Սարդարապատի հուշահամալիրում հարգանքի տուրք մատուցեց մայիսյան հերոսամարտերում զոհված հայորդիների հիշատակին։ Սարդարապատում, Բաշ-Ապարանում և Ղարաքիլիսայում հաղթանակ կերտած հերոսների հուշակոթողին ծաղկեպսակներ են խոնարհել վարչապետ Նիկոլ Փաշինյանը, նախագահ Արմեն Սարգսյանը, ԱԺ նախագահ Արարատ Միրզոյանը, Ամենայն Հայոց կաթողիկոս Գարեգին Բ-ն, Արցախի Հանրապետության նախագահ Արայիկ Հարությունյանը։ Գարեգին Բ-ն հայրապետական աղոթք կարդաց մայիսյան հաղթանակները կերտած հայորդիների հիշատակի համար։