Сендаа и Mario - Ынакшылым артып калыр (лайф видео)

Адыгжы Сарыгларның чырык адынга тураскаадып Сээң ырың, ам-даа чедир ырлаттынмаан, Сээң орууң, ам-даа чедир ажытынмаан, Уярадыр ам-даа биске ырлап бер даан, Ужуп чортпа, бистиң-биле артып кал даан. Өткүт болгаш хоюг үнүң чүрээвисте, Өжүп-читпес сылдыс болдуң, дээривисте, Өскен чериң, өргүн көвей дыңнакчыңны, Өскүс кылдыр артырып кааш чоруй бардың. Сээң ырың катап-катап ырлажыр бис, Сээң сооңдан, ишкирнигип ыглажыр бис, Ырыларың салгалдарга дыңнадыр бис, Ыраажывыс сени черле утпас боор бис. Чүрээң биске дөгерезин үлеп чордуң, Чүглүг куш дег сеткиливис эргип чордуң, Ынчалза-даа ону бистер эскербээн бис, Ырыларың кударалын билбээн-дир бис. Чайлып эртпээн, салым сени алгаш барды, Чаактарымдан карак чажы оожум батты, Чалыы хевээр артып калган хүлүмзүрүүң, Чараш уян ырыларың - чүрээвисте. автор: А. О