Молитва Пресвятой Богородице пред иконой Ея Призри на смирение. Празднование 29 сентября.

Молитва Пресвятой Богородице пред иконой Ея Призри на смирение. Празднование 29 сентября. Молитва. О, Пресвята́я Госпоже́, Де́во Богоро́дице, вы́сшая Херуви́м и Честне́йшая Серафи́м, Богоизбра́нная Отрокови́це! При́зри с высоты́ небе́сной ми́лостивным Твои́м о́ком на на́с, недосто́йных рабо́в Твои́х, со умиле́нием и слеза́ми моля́щихся пред Пречи́стым о́бразом Твои́м; не лиши́ на́с Твоего́ заступле́ния и покро́ва Держа́внаго в стра́нствии се́м земно́м, многоско́рбном и многомяте́жнем. Спаси́ на́с в поги́бели и ско́рби су́щих, воздви́гни из глубины́ грехо́вныя, просвети́ у́м на́ш, омраче́нный страстьми́ и уврачу́й я́звы ду́ш и теле́с на́ших! О, Всеще́драя Ма́ти Человеколюби́ваго Влады́ки! Удиви́ на на́с пребога́тыя ми́лости Твоя́, укрепи́ немощну́ю во́лю на́шу к де́ланию за́поведей Христо́вых, умягчи́ окамене́лая се́рдца на́ша любо́вию к Бо́гу и бли́жним, да́руй на́м сокруше́ние серде́чное и покая́ние и́стинное, да очи́стившеся от скве́рны грехо́вныя, сподо́бимся ми́рныя христиа́нския кончи́ны и до́браго отве́та на Стра́шнем и нелицеприя́тнем Суде́ Го́спода на́шего Иису́са Христа́, Ему́же со Безнача́льным Его́ Отце́м и Пресвяты́м, Благи́м и Животворя́щим Ду́хом, подоба́ет вся́кая сла́ва, че́сть и поклоне́ние, ны́не и при́сно и во ве́ки веко́в. Ами́нь. Источник (текст): Православный портал «Азбука веры» Братья и сестры, поздравляю вас с праздником иконы Пресвятой Богородицы «Призри на смирение». Опубликованные видео можно смотреть по ссылкам. Счастья вам, дорогие мои друзья! Велича́ем Тя, Пресвята́я Де́во, Богоизбра́нная Отрокови́це, и чтим святы́я ико́ны Твоея́ чуде́сное отображе́ние. Икона Божией Матери “Призри на смирение“. 29 сентября Святая княгиня Людмила Чешская. 29 сентября Святая Людмила. Поздравление.