Շուրջ 10 000 անձ հաստատվել և աշխատում են Հայաստանում առնվազն մեկ տարի ժամկետով. Արմեն Ղազարյան

Անձնագրային և վիզաների վարչությունը միգրացիոն ծառայության հետ միավորելու, անձնագրային բաժանմունքներում հերթերի խնդրի լուծման տարբերակների և համակարգերի արդիականացման, ԵԱՏՄ անդամ երկրներից, ՌԴ և այլ երկրներից էմիգրացիոն հոսքերի, սահմանահատումների վիճակագրության և այլ հարցերի մասին է Sputnik Արմենիայի հետ զրույցում խոսել Միգրացիայի և քաղաքացիության ծառայության պետ Արմեն Ղազարյանը։ Ղազարյանի խոսքով` 2022 թվականին աշխատանքային միգրացիայի մասով Հայաստանում մեծ քանակ են կազմել ՌԴ քաղաքացիները։ Նախորդ տարվա ընթացքում ԵԱՏՄ անդամ երկրների շուրջ 10 հազար քաղաքացիներ էլ աշխատանքի հիմքով օրինական բնակությունը հավաստող փաստաթուղթ են ստացել։