Па факце сур’ёзнай аварыі ў Мінску заведзена крымінальная справа

Сур’ёзная аварыя ў Мінску - загінулі тры чалавекі. Сёння раніцай на сталічнай кальцавой фура ўрэзалася ў пагрузчык, які рухаўся па той жа паласе. Па інерцыі трактар пратараніў легкавы аўтамабіль “Мазда“. Пасля чаго машыны адкінула праз раздзяляльную агароджу на вонкавае кальцо, дзе яны сутыкнуліся яшчэ з дзвюма легкавушкамі. Вадзіцель “Мазды“ і яго жонка загінулі на месцы. Чацвярых пацярпелых шпіталявалі. Аднак ад цяжкіх траўм у бальніцы памёр яшчэ адзін пасажыр “Мазды“.