Артас Санаа Олимпийжи маадыр болду.

Төөгү шагда найыралдыг эдеришкен Төрел аймак казах чоннуң ачызында Ава Тывам ховар оглу, идегели Артас Санаа Олимпийжи маадыр болду. ♦ ♦ ♦ ♦ ♦ ♦ Делегейге диңмиредир адын адап, Дендии ыыткыр ’Тыва уктуг, тыва эр’’ деп Олимпийжи Токиога чарлай бээрге Ол дег чоргаар, эргим чүве чок-ла чорду. ♦ ♦ ♦ ♦ ♦ ♦ Чөөн-Хемчик, Чадаанамның база-ла бир Чүс чылда чаңгыс катап төрүттүнер Чемпиону, чоргааралы дуңмавыска Чедиишкинни, кадыкшылды күзеп тур мен. ♦ ♦ ♦ ♦ ♦ ♦ Мөгевисти чаяап төрээш, кижизиткен Хүндүткелдиг адазынга, иезинге Күдүк базып арат-чонум мурнундан мен Мөгейгештиң четтиргеним илередиийн. ♦ ♦ ♦ ♦ ♦ ♦ Чечена Монгуш