Abovyan

ՀՀ իշխանությունները այժմ Վաշինգտոնում քննարկում են թշնամուն Հայաստանի տարածքում բնակեցնելու օրակարգը։ «Աբովյան Time»–ի եթերում նման կարծիք հայտնեց պատմական գիտությունների թեկնածու, քաղաքական վերլուծաբան Սերգեյ Մելքոնյանը։ Նրա խոսքով` Ադրբեջանն Արևմուտքի միջոցով առաջ է մղել «Արևմտյան Ադրբեջանի» իր օրակարգը, և արդեն քննարկվում է, թե ինչ իրավունքներ և երաշխիքներ պետք է տա այստեղ բնակվել պատրաստվող ադրբեջանցիներին։ Փորձագետի խոսքով` նման որոշումը փոխելու է ՀՀ տարածքում դեմոգրաֆիկ բալանսը և Ադրբեջանը հեշտորեն կարողանալու է ներխուժել ՀՀ տարածք և գրավել այն։ Հարցազրույցի ընթացքում Մելքոնյանը խոսել է նաև վաշինգտոնյան քննարկումների, Ադրբեջանի մղումների, Արևմուտքի կողմից ՌԴ–ին տարածաշրջանից դուրս մղելու նպատակների, Իրանի` ՀՀ–ին ուղղած առաջարկների և այլ հարցերի մասին։