Сезян Куяр... (текст) - Александр Арапов

Слова: Александр Арапов Сезян куяр, кона мери леляй, Теке бояр, чочко лангс озан. Каян вина — кидеяк а пелян, Ды винадо симеме карман. Иля юта вакска, паро ломань, Седееть — а пе арась, а край! Мезе теян? Кецнян — чивалгома... Кецнян — живан, ёкорной бабай! Кецнян — вана шляпам ули олгонь, Тон улят, капшиця шуба сий... Иляк мерька шляпам, ёкштор колган, — Монсь вачкодьса модас мезе вий! Иля кеждя, пильгезэть сюконян, Зяро мелеть, винадонть нуртяк. Чарькодемак... сак, ловомак ломанькс, Лия мон а вешан мезеяк. Те эрямось минек нарьгазь нарьги, Правтни секе тев кумажа лангс. Копордат... ды седейга авардят, Анок ойменть сезнемс панксонь-панкс. Потсонок — чопачат, вере — вадовт, Нужачи эйсэнек модас сты. Атят-сэрдят! Превстэ лисемадо Кренчень ловсось лиясто вансты. Аштек, аштек аламошкас вакссон, Оймеськак ризнэмадо лотки. Кадык пильгтне вачкодьсызь кияксонть! Кадык менельс човонесь токи! Верьга вайгельть моро моратано! Кортамонок сатыть пелевес... Тупор-тапор пирень трокс тутано: Кирмалавтне — минек вейкень пес. Сыргатано комадо удалга, Ансяк бу а савтнемс кискань кежть... Кадык минек эйсэ варма сялды, Кадык минек лангсо пейдить тештть! Минек мельтне яксить пек васолга. Ансяк валске сыргозтяно: вай! — Прятне теке кивень, ёкштор колган! Похмелия, ёкорной бабай!