Հայկական խաչը մարմնամարզություն ներմուծած լեգենդ․ Ռուդիկ Բարսեղյանը՝ Ազարյանի մասին

Օլիմպիական եռակի, աշխարհի քառակի, Եվրոպայի կրկնակի և 11 անգամ ԽՍՀՄ չեմպիոն Ալբերտ Ազարյանի ծննդյան 95-ամյակի առթիվ (փետրվարի 11) ՀՀ վաստակավոր լրագրող, մարզական մեկնաբան Ռուդիկ Բարսեղյանը Sputnik Արմենիայի հետ զրույցում կիսվել է լեգենդար մարմնամարզիկի հետ իր 54-ամյա ընկերության հուշերով։ Բարսեղյանի խոսքով՝ Ազարյանը գնահատված, մեծարված էր թե՛ խորհրդային, թե՛ անկախության տարիներին։ Բայց փառքը նրան չփոխեց։ Մարզական լրագրողը պատմել է հետաքրքիր դեպքեր իրենց ընկերությունից, կարևորել Ազարյան-մարզիչի մանկավարժական տաղանդը՝ օլիմպիական հերթափոխ դաստիարակելու գործում։ Անդրադառնալով «նորին մեծություն սպորտին», Ռուդիկ Բարսեղյանը վստահեցրել է, որ այն մեր փոքրիկ երկրում, թերևս, միակ բնագավառն է, որի ներկայացուցիչները պարզ ճակատով են ներկայանում ժողովրդին, որն իրավունք չունի պարտվելու և այսօր, առավել քան երբևէ, պետք է ապացուցի մեր հաղթող տեսակը։