Әрбір әйел мен бала бақытты болуға лайықты

Әйелдер мен балалар соққыға арналған тұлып емес. Әрбір нәзікжанды мен бүлдіршін бақытты болуға лайықты. Бірақ, кейбір ер адамдар мұны түсінбейтін көрінеді. Жыл басынан отбасылық-тұрмыстық қатынастар саласында 1647 әкімшілік құқықбұзушылық анықталған. Әкелік мейірім мен әйел затына деген құрметтен ада 54 жерлесіміз қылмыстық жазаға тартылды. Осындай қатыгездерден соққы жеп, тағдыр тәлкегіне ұшыраған қыз-келіншектерге “Әйелдерді қолдау орталығының“ мамандары көмек қолын созуда.